對比：移民前的顧慮與移民後的實況
對比：移民前的顧慮與移民後的實況 落戶（大）多倫多已經超過一年半了，覺得是時候（也有心情）分享一下這趟經驗。 有一個問題在我移民前常被問到的問題，就是 「去加拿大食咩呀？」 Well, 我來之前其實無具體方案，只是模糊地覺得可以教中文，我老公都係無乜諗過。我記得當時我同佢講：最多咪當自己去working holiday, 咩都做吓囉。依家諗返轉頭，或者當時我地對「工作」既期望已經調節得好好－即係夠哂低。 來到之後，係我首先揾到工，雖然我從未教過幼兒，但總算找到同「教育」相關既職業。我老公做過幾份工，而佢可以一份比一份工種及人工都要好。 總體來講，作為一個會兩文三語既香港人，其實大多倫多裡面有好多工作機會，因為有好多公司都係中國人或香港人開的，佢地都會想／或只會請返自己人，而行業既範圍亦廣泛，你想做返本行或轉行其實都有機會。這方面我地比其他族裔幸運。 當然，移民其實係一個重新開始既動作，要建立返以前既野，it takes time. 每個人亦都有自己既數要計，下篇再講。